تبريزي | Tabrizi 🎨✨🌳

تبريزي|Tabrizi

Tabrizi - Taher AlJuka Street

بتذكروا لما كنا بـ "شارع الرينبو" ولمحنا هاد المكان بالصدفة وصورناه؟ وقتها حكيتلكم إني رح أعمل عنه مدونة خاصة لأنه فعلاً بستاهل. واليوم، أجى الوقت لنعيش الأجواء سوا وندخل بين تفاصيله اللي كلها فن وجمال وذكريات.

Remember when we were at "Rainbow Street" and caught a glimpse of this place? I told you then that I’d dedicate a special blog to it because it truly deserves it. Today, it's time to live the vibes together and dive into its artistic details and nostalgic beauty.

المكان عبارة عن محلين قبال بعض بنفس الشارع، بس أنا اخترت أدخل هاد المحل بالذات وأصور تفاصيله اللي سحرتني، وحبيت أشارككم الصور اللي طلعت معي.

The gallery consists of two shops facing each other on the same street, but I chose to enter this one to capture the details that enchanted me and share the vibes with you.

أول ما تدخل عالمكان، بتحس حالك انفصلت عن العالم الخارجي؛ المكان له ستايل خاص فيه، مزيج بين الفن، قطع الخشب المشغولة يدويًا، وأشياء قديمة ومتنوعة مختارة بعناية. التفاصيل هون مدروسة لدرجة إنك بتحس كل زاوية هي لوحة فنية لحالها بتعبر عن ذوق مختلف.

The moment you step inside, you feel disconnected from the outside world; the place has its own unique style, a blend of art, handcrafted wood pieces, and diverse vintage items. Every corner feels like a standalone masterpiece, reflecting a distinct taste

أكتر شي لفت نظري هو التنوع بالقطع المعروضة؛ بتلاقي زوايا فيها أشياء قديمة ومنوعة، وقطع خشبية موجودة بطريقة فنية بتعطي للمكان جوّ خاص. كل قطعة هون بتخليك تصفن بتفاصيلها، سواء كانت إكسسوارات زينة غريبة أو قطع مميزة ما بتشوفها بكل مكان، وكلها بتجمعها روح وحدة بتميز هاد المكان.

What caught my eye the most was the diversity of the displayed pieces; you'll find corners with various vintage items and wooden pieces arranged artistically, giving the place a special atmosphere. Every piece makes you stop and stare at its details, from unique decorative accessories to standout items you don't see everywhere.

المكان فعلاً تجربة بصرية ممتعة، وبنصح أي حد بمر من شارع الرينبو ـ شارع طاهر الجوقة، وبحب التفاصيل والقطع اللي إلها طابع خاص إنه يدخل وياخد جولة هناك، لأنه أكيد رح يلاقي شي يلفته. بتمنى تكون الصور والمدونة نقلتلكم جزء من جمال هاد المكان.

The place is truly a delightful visual experience. I highly recommend anyone passing through Rainbow Street _ Taher AlJuka Juka street, who appreciates unique details and items with character to step inside and take a tour; you’re bound to find something that catches your eye. I hope the photos and this blog captured a glimpse of the beauty of this place.

إذا حبيتوا الأجواء والقطع المميزة بهي المدونة، بنصحكم كمان تروحوا تشوفوا تدوينتي عن "مايشا" (Maisha)؛ هناك رح تلاقوا عالم تاني من الفن والتفاصيل اللي أكيد رح تعجبكم!

If you enjoyed the vibes and unique pieces in this blog, I highly recommend checking out my post about "Maisha"; you'll find another world of art and details that you’ll definitely love!